<$BlogRSDUrl$>

fimmtudagur, desember 18, 2003

bloggeddíblogg 

Jæja.. úff hvað ég er þreytt.. mig svíður í augun.. Svaf nefnilega bara einhverja þrjá tíma í nótt. What´s up with that??? Enívei.. núna eru bara ca. tveir og hálfur sólarhringur í afhendingu flugmiðans í Kastrup. Æjj hvað ég er fegin að fljúga með Icelandair, fyrst að Oddur og Ásdís eru farin heim.. þá getur maður allavega horft á mynd á leiðinni.. Hefði ekki alveg meikað Expressinn í þetta skipti.. Það er algjört hell að hafa ekkert að gera í þrjá tíma.. en samt snilld að geta flogið svona ódýrt, þannig að þið megið ekki misskilja mig.. Expressinn er líka snilld. Annars á ég bara eftir að kaupa eina jólagjöf til að fara með heim og eina jólagjöf fyrir eldri strákinn hérna. Svo það er allt að koma.. En ég hlakka rosalega til að hitta alla vitleysingana mína heima.. Ætla á jólatónleika kórsins á sunnudagskvöldið í Hásölum og síðan verður ferðinni heitið að Vesturgötu 4 a.k.a. Hansen.. er búin að mæla mér mót á öðrum hvorum staðnum við allflesta sem ég hef talað við seinustu daga. Svo, ef ég hef ekki talað við ÞIG, hittu mig þá ÞAR. (Þ.e.a.s. ef þig langar á annað borð að hitta mig.. ef ekki.. þá skaltu passa að vera ekki á Hansen á sunnudagskveldinu). Jammz kjammz... Síðan var pabbi að segja mér í gær að hann væri búinn að fá skötu senda frá Ísafirði.. mmm... jólin eru oftast ekki komin fyrir mér , nema að það sé blanda af skötulykt og hangikjötslykt heima á meðan maður er að skreyta jólatréð. Og ég er mjöööög vanaföst manneskja. Til sidst ætla ég að setja link á hana Döggu súperdúllu, systur hennar tótu. Hún er nokkurnveginn endurgerð útgáfa af tótu (þar sem hin seldist upp vegna vinsælda) , þannig að það er nú ekki slæmt að hafa tvær af sömu sort.

mánudagur, desember 15, 2003

Það er byrjað að snjóa!!!! 

Vííí.. ætla að drífa mig út að versla. Fá jólastemmninguna beint í æð!

We wish you a merry Christmas... 

Úff.. Á laugardaginn voru seinustu tónleikar með kvennakórnum fyrir jól. Þeir voru haldnir með 5 öðrum kórum. Tveimur Grænlenskum, tveimur færeyskum og Íslenska Kirkjukórnum. Tónleikarnir gengu vel. Eftir á var svo matur í Færeyingahúsinu, eða Føroya húsið eins og það heitir á frummálinu. Þar var sungið, etið og klappað langt fram eftir nóttu. Einhvern veginn tókst mér líka að melda mig inní kirkjukórinn. Sem er nottla bara gott mál. Þau eru með fleiri karlaraddir en kvenna, þannig að ekki veitir af. Ég sakna líka að syngja með karlaröddum. Síðan talaði ég líka heilmikið við Mpiri krakkana og sannfærði Hjört næstum að mæta á tótutröð um áramótin, (hann sagði kannski) þannig að kannski sé ég hann þá aftur. Svo var einn strákur í Mpiri sem heitir Benjamin og hann talar nú bara næstum fullkomna íslensku. Ótrúlegt.. Hann og kærastan hans eru í kórnum og komu með 8mán. son sinn á tónleikana. Algjört krútt. Eftir að færeyingarnir ráku okkur út um svona hálffjögur, hugsa ég, fórum ég og Habba í kórnum með Jóa og Sæma í kirkjukórnum, Benjamin, Sissal og Jensínu í Mpiri og einhverjum Steinari vinar Jóa á stað sem heitir Mojo. Þar dönsuðum við og trölluðum til fimm og ég fór heim í Strætó um sex-leytið. Í gær lá ég svo og horfði á imbann mestallan daginn, en drattaðist út um sjöleytið og ákvað að prófa Kínastað sem er hérna á næsta horni. Eitthvað hafa þau ekki verið að meika hvað var mikið að gera, því þegar heim var komið, var ég, í staðinn fyrir djúpsteiktar rækjum og franskar, með djúpsteikta humarhala, grænmeti í súrsætri sósu og franskar.. Ég nennti ekki aftur út að kvarta. Vorkenndi bara fólkinu sem fékk ekki humarhalana sína.. Síðan sendi ég Irmu sms og spurði hvort hún færi heim um jólin og svona, og haldiði ekki bara að krúsidúllan hafi hringt! Við töluðum í svona kortér. Æðislegt að heyra í henni röddina. Ég verslaði heilmikið af jólagjöfum á fös. Núna eru bara eftir tvær afmælisgjafir og fjórar jólagjafir. Fimm dagar til stefnu... En jæja! Núna verð ég víst að fara að snúa mér að húsverkunum... strauja skyrtur og skúra eldhúsgólfið.. Ekki lengi gert, þegar maður kemur sér loksins að því... Síðan átti tótan mín 23ára afmæli seinasta föstudag. Til hamingju! (Hef því miður ekki tíma til að finna mynd núna, kemur kannski í næsta bloggi)

This page is powered by Blogger. Isn't yours?